घडामोडी

टाटा म्युच्युअल फंडाने नवा टाटा आर्ब्रिट्राज फंड बाजारात आणला आहे. हा एक ओपन एंडेड, इक्विटी प्रकारातील फंड आहे. या फंडाद्वारे कॅश आणि डेरिव्हेटिव्ह या इक्विटीच्या उपप्रकारांमध्ये मुख्यत: गुंतवणूक केली जाणार आहे. त्याचबरोबर डेट आणि मनी मार्केटसारख्या प्रकारांमध्येही गुंतवणूक करून समतोल साधला जाणार आहे. हा फंड गुंतवणूकीसाठी 10 डिसेंबर खुला झाला असून 17 डिसेंबर ही त्याची अंतिम मुदत आहे. या फंडात गुंतवणूक करण्यासाठीची किमान गुंतवणूक रक्कम 5,000 रुपये इतकी आहे. या फंडाचे व्यवस्थापन शैलेश जैन करणार आहेत. 

आदित्य बिर्ला सन लाइफ एएमसी लिमिटेड (पूर्वीची बिर्ला सन लाइफ असेट मॅनेजमेंट कंपनी) या आदित्य बिर्ला कॅपिटल लिमिटेड (पूर्वीची आदित्य बिर्ला फायनान्शियल सर्व्हिसेस लि.) आणि आदित्य बिर्ला सन लाइफ म्युच्युअल फंडाची गुंतवणूक व्यवस्थापक (एबीएसएलएमएफ) यांनी बिर्ला सन लाइफ निफ्टी नेक्स्ट ५० ईटीएफ (ईटीएफ) ही निफ्टी नेक्स्ट ५० इंडेक्सचा मागोवा घेणारी ओपन एंडेड योजना लाँच केल्याचे जाहीर केले आहे. नव्या फंड योजनेची नोंदणी ११ डिसेंबर २०१८ रोजी सुरू होणार असून १७ डिसेंबर २०१८ रोजी बंद होणार आहे. ही ईटीएफ विक्रीसाठी सातत्याने परत खुली होणआर असून वाटपानंतर कामकाडाच्या पाच दिवसांत पुनर्खरेदी केली जाणार आहे. निफ्टी नेक्स्ट ५० इंडेक्सने प्रतिनिधीत्व केलेल्या सिक्युरिटीजच्या त्यातील…

नोव्हेंबर महिन्यात लिक्विड फंडात चांगली गुंतवणूक झाल्याचे दिसून आले आहे. लिक्विड फंडातील गेल्या तीन महिन्यातील सर्वाधिक गुंतवणूक नोव्हेंबर महिन्यात झाली आहे. गुंतवणूकदारांनी तब्बल 1.4 ट्रिलियन रुपयांची गुंतवणूक लिक्विड फंडात केली आहे. ऑगस्टनंतरची लिक्विड फंड प्रकारातील ही सर्वात मोठी गुंतवणूक आहे. गेल्या महिन्यातच आयएल अॅंड एफएसच्या आर्थिक संकटाच्या पार्श्वभूमीवर गुंतवणूकदारांनी या फंड प्रकारातून गुंतवणूक काढून घेण्याचा सपाटा लावला होता. 2007 नंतर काढून घेतलेली ही सर्वात मोठी गुंतवणूक रक्कम होती. आयएल अॅंड एफएसच्या आर्थिक अरिष्टाचे सावट हळूहळू दूर होत गुंतवणूकदारांची चिंता कमी होत ते आता मनी मार्केटकडे परत वळू लागले आहेत. आयएल अॅंड एफएसच्या आर्थिक संकटाने लिक्विड फंडसुद्धा एका पातळीवर जोखमीचे आहेत…

पुढील आर्थिक वर्षापासून गृहकर्जांचे व्याजदर बाजारभावाशी जोडण्याचा निर्णय रिझर्व्ह बँक ऑफ इंडियाने घेतला आहे. सध्या सीटी बँक वगळता कोणतीच बँक बाजारभावानुसार गृहकर्जाचे व्याजदर ठरवत नाहीत. बाजारभाव वाढले की बँकांचे व्याजदर वाढतात. पण बाजारभाव घटले की व्याजदर कमी होत नाही. हे लक्षात घेऊन रिझर्व्ह बँक गेल्या अनेक वर्षांपासून रेपो रेट आणि गृहकर्जाचे व्याजदर बाजारभावाशी जोडण्याचा विचार करत होती. त्याची आता अंमलबजावणी होणार आहे. व्याजदरांसाठी बाजारभावाचा निकष वापरल्यास व्यवहारात पारदर्शकता येईल. बाजाराचा कानोसा घेऊन राष्ट्रीयीकृत बँकांना ग्राहकांसाठी व्याजदरांची आखणी करता येईल.

येस बॅंकेचीच एक उपकंपनी येस अॅसेट मॅनेजमेंटला सेबीने म्युच्युअल फंड व्यवसायात आपल्या योजना बाजारात आणण्याची परवानगी दिली आहे. सेबीने येस बॅंकेच्या दोन म्यु्च्युअल फंड योजनांना परवानगी दिली आहे. देशात सध्या 40 पेक्षा जास्त म्यु्चुयअल फंड कंपन्या आहेत. त्यात आता येस बॅंकेची भर पडणार आहे. येस बॅंक आपल्या दोन नवीन योजना बाजारात आणणार आहे. येस लिक्विड फंड आणि येस अल्ट्रा शॉर्ट टर्म फंड अशा या दोन योजना असणार आहेत. रिझर्व्ह बॅंकेने येस बॅंकेला म्युच्युअल फंड योजना बाजारात आणण्याची परवानगी दिल्यानंतर सेबीने ही परवानगी दिली आहे. याआधीच जुलै महिन्यात सेबीने येस बॅंकेला म्युच्युअल फंड व्यवसायासाठी दरवाजे खुले केले होते.

एसबीआय म्युच्युअल फंडाने नवा 'एसबीआय - ईटीएफ क्वालिटी' फंड बाजारात आणला आहे. एसबीआयचा हा पहिला स्मार्ट बिटा फंड आहे. हा एक ओपन एंडेड प्रकारातील फंड आहे. निफ्टी 200 क्वालिटी 30 इंडेक्समधील टॉप 30 कंपन्यांमध्ये 95 टक्के या फंडाद्वारे गुंतवणूक केली जाणार आहे. तर उर्वरित 5 टक्के गुंतवणूक मनी मार्केटमध्ये केली जाणार आहे. हा फंड गुंतवणूकीसाठी 26 नोव्हेंबर रोजी खुला झाला आहे आणि 3 डिसेंबर ही अंतिम तारीख आहे. या फंडातील गुंतवणूकीसाठी कोणताही एन्ट्री लोड आणि एक्झिट लोड नाही. निफ्टी 200 क्वालिटी 30 इंडेक्समधील कंपन्यांचे गुणांकन केले जाणार आहे. त्यासाठी तीन निकष मुख्यत्वे वापरले जाणार आहे. कंपनीची नफा कमावण्याची क्षमता, भांडवलाच्या…

गेल्या काही दिवसांपासून अस्थिर असलेल्या शेअर बाजारात परकी गुंतवणूकदारांनी मात्र गुंतवणूक करण्यावर भर दिला आहे. एफआयआयनी नोव्हेंबर महिन्यात शेअरच्या खरेदीचा सपाटा लावला आहे. ऑक्टोबरमध्ये परकी गुंतवणूकदार भारतीय शेअर बाजारातून आपली गुंतवणूक काढून घेताना दिसत होते. मात्र नोव्हेंबरमध्ये हा ट्रेंड बदलला आहे. नोव्हेंबर महिन्यात मात्र हे चित्र बदलेले दिसत आहे. आतापर्यत परकी गुंतवणूकदारांनी 10,523 कोटी रुपये भारतीय बाजारात ओतले आहेत.    परकी गुंतवणूकदारांनी ऑक्टोबर महिन्यात तब्बल 38,906 कोटी रुपये काढून घेतले होते. यात इक्विटी, डेट आणि हायब्रिड प्रकाराचा समावेश होता. अमेरिकेतील बॉंड्समधून मिळणाऱ्या चांगल्या परताव्याचा प्रभाव परकी गुंतवणूकदारांवर होता. त्याआधी सप्टेंबर महिन्यातसुद्धा गुंतवणूक काढून घेण्यावरच परकी गुंतवणूकदारांचा कल होता.

आता लवकरच कर्मचारी भविष्य निर्वाह निधी संघटनेच्या (ईपीएफओ) खातेधारकांसाठी गृहयोजना सुरू होणार आहे. ईपीएफओकडून गृहयोजनेचा प्रस्ताव देण्यात आला असून त्यात त्याअंतर्गत त्यांना स्वस्त घरे उपलब्ध होणार आहेत. सेंट्रल बोर्ड ऑफ ट्रस्टीच्या येत्या महिन्यात होणाऱ्या बैठकीमध्ये गृहयोजनेचा प्रस्ताव मांडण्यात येणार आहे.   सूत्रांनी दिलेल्या माहितीनुसार, ज्या खातेधारकांकडे स्वतःचे घर नसेल, अशा खातेधारकांनाच स्वस्तात घरे मिळतील. शिवाय लाभार्थ्याचे खाते उघडून किमान ३ वर्षे झाले असावे आणि घर खरेदीसाठी पीएफ खात्यातून ९० टक्क्यांपर्यंत रक्कम काढता येऊ शकते. किंवा कर्जावरील ईएमआय पीएफ खात्यातून दिला जाणार आहे.     ईपीएफओकडून 'नॅशनल हाउसिंग असोसिएशन' स्थापन करण्याच्या प्रस्तावाचा देखील यात समावेश असून याच नॅशनल हाउसिंग असोसिएशनकडून राज्यांकडून स्वस्त…

लिक्विड फंड म्हणजे काय? लिक्विड फंड योजनांमध्ये संपूर्ण तरलता आणि सुलभता आहे. लिक्विड या शब्दाचा अर्थ तरलता. म्हणजेच तुम्ही पैसे अगदी एका दिवसातसुद्धा काढून घेऊ शकता. या प्रकारच्या योजनांमध्ये कोणताही "लॉक इन' काळ नसतो, एंट्री लोड- एक्‍झिट लोड नसतो. समजा बुधवारी पैसे गुंतवले, तर गुरुवारी काढून घेऊ शकता तेही थेट तुमच्या बॅंक खात्यामध्ये. फक्त पैसे दुपारी तीनच्या आत म्युच्युअल फंडाच्या खात्यामध्ये जमा झाले पाहिजेत; तसेच काढण्यासाठी एक दिवस आधी दुपारी तीनच्या आत नोटीस द्यायला पाहिजे. म्हणजेच बुधवारी दुपारी दोनच्या आत गुंतवलेले पैसे काढण्यासाठी नोटीस बुधवारीच तीनच्या आत देणे गरजेचे आहे. असे केले, की गुरुवारी सकाळी दहा वाजता तुमच्या बॅंक खात्यामध्ये…

 मोतीलाल ओस्वाल या गुंतवणूक क्षेत्रातील दिग्गज कंपनीने संपत्ती निर्मितीच्या संदर्भात केलेल्या एका  अहवालानुसार गुंतवणूकदारांसाठी संपत्ती निर्माण करताना एचडीएफसी बॅंकेने रिलायन्स आणि टीसीएस या दोन मातब्बर कंपन्यांनाही मागे टाकले आहे. 2013 ते 2018 या पाच वर्षात एचडीएफसी बॅंकेने गुंतवणूकदारांना सर्वाधिक परतावा देत मालामाल केले आहे. याआधीच्या अहवालांमध्ये एचडीएफसी बॅंकेला दुसरे आणि तिसरे स्थान मिळाले होते.    एचडीएफसी बॅंकेने गेल्या पाच वर्षात तब्बल 3,247 अब्ज रुपयांची संपत्ती गुंतवणूकदारांसाठी निर्माण केली आहे. तर मुकेश अंबानींच्या रिलायन्स इंडस्ट्रीजने 3,094 अब्ज रुपयांची संपत्ती याच काळात निर्माण केली आहे. त्याखालोखाल आयटी क्षेत्रातील दिग्गज टीसीएसचा नंबर लागतो. टीसीएस पाच वर्षात गुंतवणूकदारांना 2,532 अब्ज रुपये कमावून दिले आहेत.…