घडामोडी

मागील दोन सत्रांपासून सकारात्मक वाटचाल करीत असलेला भारतीय शेअर बाजार आज देखील तेजीत बंद झाला. आज मुंबई शेअर बाजार निर्देशांक सेन्सेक्समध्ये 130 अंशांची वाढ होऊन 35,980 वर बंद झाला. तर, राष्ट्रीय शेर बाजार निर्देशांक निफ्टी 30 अंशांच्या तेजीने 10,802 वर स्थिरावला. शेअर वधारले: सनफार्म, आयसीआयसीआय बँक,एसबीआय , येस बँक, टाटा मोटर्स, ऍक्सिस बँक शेअर्स घसरले: कोटक बँक, एनटीपीसी, एचडीएफसी आज विशेष भारत डायनॅमिक्स लिमिटेडच्या शेअरमध्ये 9 टक्क्यांची तेजी भारत डायनॅमिक्स लिमिटेडला भारतीय लष्कराकडून अँटी-टँक मार्गदर्शित मिसाईल (एटीजीएम) आणि लॉन्चर्सची पुरवठा करण्यासाठी 760 कोटी रुपयांची ऑर्डर मिळाल्याने कंपनीच्या शेअरमध्ये 9 .5 टक्क्यांनी वाढ होऊन शेअर 304.90 रुपयांवर पोचला होता. बंधन बँक…

एलआयसी म्युच्युअल फंडाने नवीन 'एलआयसी एमएफ आर्बिट्राज फंड' या नावाने नवा फंड बाजारात आणला आहे. हा एक ओपन एंडेड स्किम प्रकारातील फंड असून आर्बिट्राज प्रकारातील गुंतवणूक संधींचा लाभ यातून घेतला जाणार आहे. या फंडाची ऑफर 4 जानेवारीपासून गुंतवणूकीसाठी खूली झाली आहे. तर 18 जानेवारी ही यासाठीची अंतिम मुदत आहे. या फंडातील इक्विटी प्रकाराचे व्यवस्थापन योगेश पाटील करणार आहेत. यातील डेट प्रकाराचे व्यवस्थापन मर्झबान इराणी करणार आहेत. या नव्या फंडात गुंतवणूकदार एकरकमी गुंतवणूक करू शकतात. आर्बिट्राज प्रकारात कॅश आणि डेरिवेटिव्ह मार्केटच्या संदर्भात असलेली तसेच डेट सिक्युरिटीज आणि मनी मार्केटमधील संधी या फंडातील गुंतवणूकीतून मिळवण्याचे 'एलआयसी एमएफ आर्बिट्राज फंडाचे उद्दिष्ट आहे. फंड…

कर्मचाऱ्यांसाठी असलेल्या विशेष कोट्याअंतर्गत शेअर्स विक्री करून देशातील आघाडीची सार्वजनिक बँक असलेली युनियन बँक ऑफ इंडिया 600 कोटी रुपयांचे भांडवल उभारणार आहे. काल 'स्टेकहोल्डर्स रिलेशनशिप कमिटी'च्या  बैठकीत हा निर्णय घेण्यात आला. कमिटीने 'युनियन बँक ऑफ इंडिया-कर्मचारी शेअर खरेदी योजना' मंजूर केली आहे. याअंतर्गत पात्र कर्मचार्यांना तब्बल 8 कोटी नवीन शेअर्स खरेदी करण्यासाठी उपलब्ध करण्यात येतील. या अगोदर सिंडिकेट बँकेने देखील कर्मचाऱ्यांना शेअर्स इश्यू करून 500 कोटी रुपये उभारणार असल्याचे जाहीर केले आहे. तर, विजया बँक देखील 5 कोटी रुपयांचे भांडवल अशाच पद्धतीने जमा करणार आहे. सकाळच्या सत्रात युनियन बँक ऑफ इंडियाचा शेअर 2.50 टक्क्यांनी वधारून 91.15 रुपयांवर व्यवहार करत आहे.

देशातील आघाडीची म्युच्युअल फंड कंपनी असलेली एचडीएफसी ॲसेट मॅनेजमेंट कंपनी(एएमसी) मालमत्तेनुसार (एयुएम) नुसार देशातील सर्वात मोठी कंपनी बनली आहे. डिसेंबर मध्ये संपलेल्या तिमाहीत एचडीएफसी एएमसी 3.35 लाख कोटी रुपयांचे व्यवस्थापन करत असून दुसऱ्या क्रमांकावर असलेल्या आयसीआयसीआय प्रुडेन्शिअल म्युच्युअल फंडाकडे  3 लाख  हजार कोटींची गुंतवणूक आहे. महत्वाचे म्हणजे, 2016 नंतर प्रथमच एचडीएफसी म्युच्युअल फंडाने आयसीआयसीआय प्रुडेन्शिअलला मागे टाकले आहे. 2011 मध्ये रिलायन्स म्युच्युअल फंडाला मागे टाकत एचडीएफसीने सलग पाच वर्षे गुंतवणूकदारांची पसंती मिळविली होती. मात्र 2016 मध्ये आयसीआयसीआय प्रुडेन्शिअलने एचडीएफसी एएमसीला मागे टाकले होते. गुंतवणुकीचा सोपा आणि उत्तम पर्याय म्हणून सर्वसामान्य गुंतवणूकदारांची पसंती म्युच्युअल फंडाला मिळत असताना एचडीएफसी म्युच्युअल फंड देशातील…

आयसीआयसीआय प्रुडेन्शिअल लाइफ इन्शुरन्स ही व्हॉट्सअॅपशी थेट एकात्मिकरण करणारी भारतातील पहिली लाइफ इन्शुरन्स कंपनी ठरली आहे. यामुळे कंपनीला या जगभरातील लोकप्रिय मेसेजिंग सुविधेवर व्हेरिफाइड बिझनेस अकाउंट उघडणे शक्य झाले आहे. आयसीआयसीआय प्रुडेन्शिअल लाइफ व्हॉट्सअॅप मेसेजिंग सुविधेचा वापर ग्राहकांना सेवा देण्याचे एक माध्यम म्हणून करणार आहे. ग्राहकांना त्यांच्या लाइफ इन्शुरन्स योजनांचा तपशील सहज उपलब्ध होण्यासाठी कंपनीने अवलंबलेला हा सर्वात मोठा डिजिटल उपक्रम आहे. व्हॉट्सअॅपवर मेसेज मिळण्याची परवानगी देणाऱ्या ग्राहकांना वेलकम किट, योजना प्रमाणपत्र, प्रीमिअम रिसिट व अन्य अनेक सेवा उपलब्ध होतील. मेसेजिंग सुविधेवर वापरल्या जाणाऱ्या मोठ्या प्रमाणातील एन्क्रिप्शनमुळे, ग्राहकाकडून मिळालेली व ग्राहकाला दिलेली माहिती गोपनीय राखली जाते.    

भारतीय कंपन्यांनी 2018 मध्ये नॉन कन्व्हर्टीबल डिबेंचर्सद्वारे (एनसीडी) तब्बल 29,300 कोटी रुपयांची उभारणी केली आहे. मागील वर्षाच्या तुलनेत यात तिप्पटीने वाढ झाली आहे. नॉन कन्व्हर्टीबल डिबेंचर्स तुलनात्मकरित्या कन्व्हर्टीबल डिबेंचर्सपेक्षा जास्त व्याज देतात. सेबीने जाहीर केलेल्या आकडेवारीनुसार भारतीय कंपन्यांनी उभ्या केलेल्या नॉन कन्व्हर्टीबल डिबेंचर्सच्या संख्येत चांगलीच वाढ झाली आहे. या वर्षी कंपन्यांनी 29,300 कोटी रुपये उभारले आहेत. तर मागील वर्षी नॉन कन्व्हर्टीबल डिबेंचर्सच्या माध्यमातून 9,779 कोटी रुपये उभारण्यात आले होते.    मुथ्थूट फायनान्स, कोसामट्टम फायनान्स, एसआरईआय इक्यूपमेंट फायनान्स, दिवाण हाऊसिंग फायनान्स कॉ. जेएम फायनान्शियल क्रेडीट सोल्यूशन्स, श्रीराम ट्रान्सपोर्ट फायनान्स कंपनी, ईसीएल फायनान्स, इंडियाबुल्स कमर्शियल क्रेडिट, टाटा कॅपिटल फायनान्शियल सर्व्हिसेस, आधार हाऊसिंग…

जीएसटी कररचनेतील सुधारणा आणखी पुढे नेत जीएसटी कौन्सिल भविष्यातही सर्वसामान्यांना मोठा दिलासा देणार आहे. महसूलात वाढ होत गेल्यावर देशात दैनंदिन वापरातील वस्तूंवर जीएसटीचा 0 टक्के, 5 टक्के आणि 12 -18 टक्क्यांचा स्टॅंडर्ड रेट लागू होणार आहे. केंद्रीय अर्थमंत्री अरुण जेटली यांनी याबाबतची घोषणा केली आहे. सध्या चैनीच्या आणि तंबाखू, मद्य यासंदर्भातील वस्तू जीएसटीच्या सर्वाधिक कर श्रेणी प्रकारात आहेत. जीएसटी अंतर्गत एकूण 1,216 वस्तू येतात. त्यातील 183 0 टक्के, 308 वस्तू 5 टक्के, 178 वस्तू 12 टक्के आणि 517 वस्तू 18 टक्के श्रेणीत येतात. 28 टक्क्यांची श्रेणी ही लवकरच रद्द होणार आहे. सध्या सरकारने फक्त 28 टक्के वस्तू 28 टक्के श्रेणीत…

बिगर बँकिंग वित्त संस्था कॅपिटल फर्स्ट आणि आयडीएफसी बँकेचे विलीनीकरण पूर्ण झाले असल्याची माहिती दोन्ही कंपन्यांच्या वतीने जाहीर करण्यात आली आहे. तसेच भागधारकांची मंजुरी मिळताच 'आयडीएफसी फर्स्ट बँक' म्हणून कामकाजाला सुरुवात होऊन कॅपिटल फर्स्टचे संस्थापक -अध्यक्ष व्ही वैद्यनाथ बँकेचे एमडी आणि सीईओ पदाची सूत्रे हाती घेतील. दोन्ही कंपन्यांच्या एकत्रित येण्यामुळे आयडीएफसी बँकेला 'रिटेल' आणि 'व्होलसेल' प्रकारात विविध प्रकारची उत्पादने / ऑफर्स सादर करता येणार आहेत. तसेच दोन्ही कंपन्यांच्या एकत्रीकरणानंतर 203 बँक शाखा, 129 एटीएम आणि 454 ग्रामीण व्यापार प्रतिनिधी केंद्रांद्वारे बँक 72 लाख ग्राहकांना सेवा पुरवेल. 12 जानेवारी 2018 रोजी कंपन्यांच्या एकत्रीकरणाला सुरुवात झाली होती. शेअरधारकाला 10 कॅपिटल फर्स्टच्या शेअर्सच्या…

आयसीआयसीआय प्रुडेन्शियल म्युच्युअल फंडाने एक अभिनव सुविधा आपल्या गुंतवणूकदारांसाठी आणली आहे. गुगल व्हॉईसवर आधारित नवी 'चॅट बोट' गुंतवणूक सेवा आयसीआयसीआय प्रुडेन्शियल म्युच्युअल फंडाने लॉंच केली आहे. या सुविधेला नॅचरल लॅग्वेज प्रोसेसिंगचाही आधार असणार आहे. ही सुविधा नव्या ग्राहकांना केवायसी प्रक्रिया पूर्ण करण्यासाठी त्याचबरोबर आयसीआयसीआयच्या वेगवेगळ्या म्युच्युअल फंडामंध्ये गुंतवणूक करण्यासाठी ही सुविधा ग्राहकांच्या दिमतीला असणार आहे. आधीच अस्तित्वात असलेल्या जुन्या गुंतवणूकदारांना आपल्या ट्रॅन्झॅक्शनसाठी किंवा असलेल्या फोलिओत एसआयपी नोंदवण्यासाठीही या 'चॅट बोट' गुंतवणूक सेवेचा वापर करता येणार आहे. त्याचबरोबर 'चॅट बोट' या सुविधेचे आखणी अशी पद्धतीने करण्यात आली आहे की ही सुविधा वापरताना जर काही तांत्रिक अडचणी आल्या तर गुंतवणूकदारांचा यासंदर्भात मार्गदर्शन…

म्युच्युअल फंडांच्या विविध योजनांकडे नागरिकांचा कल वाढला असून, गेल्या महिन्यात (नोव्हेंबर) गुंतवणूकदारांनी तब्बल 1.4 लाख कोटी रुपयांचा ओघ म्युच्युअल फंडांकडे वळविला आहे.    असोसिएशन ऑफ म्युच्युअल फंड्‌स इन इंडियाने (ऍम्फी) दिलेल्या आकडेवारीनुसार, म्युच्युअल फंड योजनांमधील चालू आर्थिक वर्षाच्या पहिल्या आठ महिन्यांतील (एप्रिल-नोव्हेंबर) गुंतवणूक आता 2.23 लाख कोटी रुपयांवर पोचली आहे. अशा प्रकारे चालू आर्थिक वर्षात म्युच्युअल फंडांच्या विविध योजनांमध्ये विक्रमी गुंतवणूक होऊ लागल्याचे चित्र दिसू लागले आहे. शेअर बाजारात घसरणीचे वारे असून देखील गुंतवणूकदारांनी इक्विटी आणि डेट योजनांना पसंती दिल्याचे समोर आले आहे. बॅंकेच्या ठेवींवर मिळणाऱ्या व्याजदरामध्ये दिवसेंदिवस कपात होत असल्याने गुंतवणूकदारांनी म्युच्युअल फंडाकडे ओढा वळविला आहे. विशेष म्हणजे छोट्या…