editorial

पोर्टफोलिओमध्ये असलेल्या कंपन्यांच्या भागांमध्ये होणाऱ्या हालचालीवर इक्विटी म्युच्युअल फंडांतून मिळणारे उत्पन्न अवलंबून असते. त्यामुळे या म्युच्युअल फंडांपासून मिळणारे उत्पन्न मोजताना त्याची तुलना हा फंड वापरत असलेल्या बेंचमार्कशी करावी लागते. उदाहरणार्थ, तुमची गुंतवणूक निफ्टी हा बेंचमार्क असलेल्या म्युच्युअल फंडात होत असेल आणि त्या फंडाने गेल्या वर्षभरात ३० टक्के उत्पन्न दिले असेल, त्याचवेळी निफ्टीने २५ टक्के उत्पन्न दिले असेल तर याचा अर्थ या म्युच्युअल फंडाची कामगिरी बेंचमार्कपेक्षा उत्तम झाली, असा होतो. समजा या म्युच्युअल फंडाने २२ टक्के उत्पन्न दिले तर त्याची कामगिरी बेंचमार्कपेक्षा कमी झाली. अशी तुलना अनेक वेबसाइट्सवर किंवा म्युच्युअल फंडांचे ऑनलाइन वितरण करणाऱ्यांकडून उपलब्ध करून दिली जाते. मात्र गुंतवणूकदारांनी इक्विटी…

ईएलएसएसचे फायदे अर्थनिरक्षरतेमुळे ईएलएसएस हा प्रकार आजपर्यंत जरी दुर्लक्षिला गेला असला तरी यापुढे ईएलएसएसकडे दुर्लक्ष करून चालणार नाही. सर्वाधिक परतावा देणारा हा गुंतवणूक प्रकार आहे. गुंतविलेली सर्व रक्कम कोणतेही शुल्क न वगळता, सर्व रक्कम फंडात गुंतविली जाते. ही गुंतवणूक गुंतवणूकदाराच्या मर्जीनुसार करायची असल्याने, ज्या वर्षी करपात्र उत्पन्न नाही किंवा घर खरेदी किंवा मुलांचे शिक्षण सुरू झाल्यानंतर गुंतवणूक रक्कम कमी करण्याची सोय ईएलएसएस फंडात आहे. समभाग गुंतवणूक हा प्रकार स्थावर मालमत्ता, मौल्यवान धातू, मुदत ठेवी, विमा उत्पादने यापेक्षा अधिक परतावा देणारा आहे. ईएलएसएस  हा समभाग गुंतवणूक असलेला फंड प्रकार असून तीन वर्षांसाठी गुंतवणूक असल्याने अन्य फंड प्रकारांच्या तुलनेत यात सर्वाधिक समभाग…

फंडाच्या पोर्टफोलिओतील रोख्यापासून मिळणाऱ्या व्याजउत्पन्नावर लक्ष केंद्रित करणारे डेट फंड म्हणजे अॅक्रुअल फंड होय. याउलट ड्युरेशन फंडामध्ये व्याजदर खाली आलेल्या स्थितीत रोख्यांच्या भांडवल वृद्धीमुळे मिळणाऱ्या उत्पन्नावर लक्ष केंद्रित केले जाते. भांडवली लाभापासून अॅक्रुअल फंड काही प्रमाणात उत्पन्न मिळवतात. परंतु हे उत्पन्न म्हणजे त्यांच्या एकूण उत्पन्नाच्या काही टक्केच असते. अॅक्रुअल फंडांचा रोखे खरेदी करून ते कायम ठेवण्याकडे कल असतो. त्यामुळे पोर्टफोलिओमध्ये जी आर्थिक साधने खरेदी केली जाते, ती त्यांची मुदतपूर्ती होईपर्यंत ठेवली जातात. याच्या तुलनेत फंड व्यवस्थापकाच्या दृष्टीकोनानुसार व्याजदरांचा आढावा घेऊन ड्युरेशन फंड राखले जातात. व्याजदर कपातीला सुरुवात झाल्यावर अॅक्रुअल फंड हे वित्त सल्लागारांकडून सुचवले जातात. ड्युरेशन फंडांपेक्षा अॅक्रुअल फंड कमी…

  नव्या वर्षाची सुरवात ही नवा संकल्प घेऊन होत असते, त्यामुळे आपणही या वर्षी शेअर बाजाराकडे लक्ष देण्याचा संकल्प करण्यास हरकत नाही. सरलेल्या वर्षात शेअर बाजाराची झालेली वाढ पाहून अनेकांना असे वाटू शकते, की शेअर बाजार आता वाढला असून, आपण संधी गमावली किंवा खूप उशीर झाला; परंतु तसे नसून, शेअर बाजारात संधी कायम असते, ती ओळखून त्यानुसार कृती करणे महत्त्वाचे असते. फक्त हे करताना जोखीम आणि परतावा यांची योग्य सांगड घालणे गरजेचे असते. बॅंका, तसेच टपाल खात्यातील ठेव योजनांचे व्याजदर घसरत चालले आहेत. दुसरीकडे सोन्याच्या भावातही घसरण होत आहे, रिअल इस्टेट क्षेत्रही थंडावले आहे. अशा वेळी शेअर बाजार म्हणजेच "इक्विटी'…

गुजरातमधील निवडणूक निकालांनंतर सरकार खडबडून जागे झाले असून त्यामुळे आगामी काळात ग्रामीण भागावर सरकार लक्ष केंद्रित करेल, असा तज्ज्ञांचा अंदाज आहे. याचा परिणाम म्हणून आगामी केंद्रीय अर्थसंकल्पात कृषी क्षेत्रासाठी भरीव तरतूद होऊ शकते. असे झाल्यास कृषी क्षेत्राशी संबंधित कंपन्या व उद्योग हे गुंतवणूकयोग्य ठरतील. बिगरबँक वित्तसंस्थांची कामगिरी नव्या वर्षात चांगली होणार आहे. त्यातही ग्रामीण वित्त पुरवठा करणाऱ्या बिगरबँक वित्तसंस्थांचा गुंतवणूकदारांनी विचार करावा. विजेची निर्मिती, वितरण, पारेषण या उद्योगांचीही भरभराट होणे अपेक्षित आहे. बँकिंग क्षेत्राला साधारणतः चांगले दिवस येणार असल्यामुळे खासगी बँकांचा विचार गुंतवणुकीसाठी करणे श्रेयस्कर ठरणार आहे. सरकारी बँकांमध्ये भांडवली गुंतवणूक करण्याचा विचार करताना निवडक बँकांचाच विचार करावा, असे तज्ज्ञांचे…

प्राप्तिकर कमी करण्यासाठी किंवा वाचवण्यासाठी पुढील कागदपत्रे दाखवणे महत्त्वाचे असते!! म्युच्युअल फंडांच्या इक्विटी लिंक्ड सेव्हिंग्ज स्किम (ईएलएसएस), आयुर्विमा यांतून गुंतवणूक केल्यास अनुक्रमे ईएलएसएस फंड स्टेटमेंट व प्रीमियम भरणा प्रमाणपत्र सादर करावे. सार्वजनिक भविष्यनिर्वाह निधी अर्थात पीपीएफमध्ये बँकेद्वारे गुंतवणूक केली असेल तर पासबुकची फोटोकॉपी द्यावी. पीपीएफ खाते ऑनलाइन राखत असाल तर वर्षभरात केलेल्या व्यवहारांची ई-पावती द्या. सुकन्या समृद्धी व पाच वर्षांच्या मुदतठेवी यांच्या बाबतीत ठेवीची पावती किंवा बँकेचे प्रमाणपत्र सादर करावे. शिक्षण शुल्क किंवा ट्युशन फी संदर्भात शाळेच्या पावत्यांची झेरॉक्स (ज्याच्यावर शाळेचे चिन्ह व घेण्याऱ्याची स्वाक्षरी आहे) द्यावी. प्रथमच घर खरेदी करणाऱ्यांचे, घरासाठी १ एप्रिल २०१६ ते ३१ मार्च २०१७ या…

प्रथमच गुंतवणूक करणारे अनेक गुंतवणूकदार त्यांचा पैसा बँक मुदतठेवींतून काढून इक्विटींमध्ये गुंतवतात. बाजारात करेक्शन आल्यास संपूर्ण इक्विटी पोर्टफोलिओच्या तुलनेत तुमच्या पोर्टफोलिओत डेट व इक्विटी यांचे मिश्रण असेल तर कमी प्रमाणात चढउतार अनुभवास येतात. संपूर्ण इक्विटी फंडांपेक्षा अशा फंडांचा अनुभव चांगला असतो. डायनॅमिक इक्विटी फंड हे बाजाराची हालचाल पाहून इक्विटी व डेटमधील  अॅसेट अॅलोकेशन बदलत राहतात. भांडवल बाजार पडलेला असतो तेव्हा डायनॅमिक इक्विटी फंड इक्विटीमधील गुंतवणूक वाढवतात, बाजार वर चढलेला असतो तेव्हा ही गुंतवणूक ते घटवतात. फंड हाउसची मत्तावाटपाची जी पद्धत असेल त्यानुसार त्यांच्या पोर्टफोलिओमधला इक्विटीचा भाग बदलता राहतो. अशी स्वतःची पद्धत विकसित करण्याचे स्वातंत्र्य प्रत्येक डायनॅमिक इक्विटी फंडाला असते. काही…

“स्वराज्य हा माझा जन्मसिद्ध हक्क आहे आणि तो मी मिळवणारच” या लोकमान्यांच्या सिंहगर्जनेला आज एकशे एक वर्षे पूर्ण झाली. हा विचार करताना सहज मनात आले की, आज असे म्हणावे का, की पैसे मिळवणे हा माझा हक्क आहे आणि ते ‘नीट गुंतवणे’ ही माझी ओळख आहे. अपार मेहनत करून पैसे मिळवले पण आकर्षक जाहिरातींच्या भुलाभूलैयांमध्ये सापडून ते चुकीच्या ठिकाणी गुंतवले गेले तर पदरी केवळ निराशा येते. नुकसानीचा जबर फटका बसतो. एखादी संवेदनशील व्यक्ती नैराश्याच्या गर्तेत जाऊन दुःखातून बाहेर पडण्यासाठी मृत्युलाही कवटाळते. तर आपण नववर्षाचा असा संकल्प करू, ‘मेहनतीचे पैसे मिळवत राहीन आणि विचारांची मेहनत करून योग्य ठिकाणी गुंतवणूक करत राहीन’. गीतारहस्यातून…

२०१७  या वर्षांत काही उल्लेखनीय सुधारणा शेअर बाजारात घडल्या. देशातील डिमॅट खात्यांच्या संख्येने तीन कोटींचा टप्पा ओलांडला, तर म्युच्युअल फंड युनिटधारकांच्या संख्येने ५.५ कोटी फोलिओचा आकडा पार केला. म्युच्युअल फंडातील वार्षिक गुंतवणुकीने वीस हजार कोटींचा टप्पा ओलांडला तर ‘सिप’ (सिस्टिमॅटिक इन्व्हेस्टमेंट प्लॅन)मधील गुंतवणूकदारांची संख्या सातत्याने वाढत आहे. म्युच्युअल फंड सिपधारकांची फोलिओ संख्या आता १.८० कोटीवर पोहोचली आहे. किरकोळ गुंतवणूकदार बँकेतील मुदत ठेवी आणि सोने किंवा जमीन यांच्यातील गुंतवणूक कमी करून, शेअर बाजारात नवीन कंपनीच्या भागभांडवलाद्वारे (आयपीओ) येत असून, तरुण पिढी सिपच्या माध्यमातून गुंतवणूक करून बाजाराकडे वळत आहे. सध्या शेअर्स, म्युच्युअल फंड, बॉण्ड्स हे डिमॅट खात्यात एकत्र दिसू शकतात. या व्यतिरिक्त…