करपर्याय निवडा दरवर्षी
प्राप्तिकराच्या नव्या रचनेमध्ये वजावट घेण्याचा किंवा वजावट न घेण्याचा निर्णय तुम्ही घेतला असेल, तर तो दरवर्षी तुम्हाला बदलता येणार आहे. ही सुविधा वेतनधारकांसाठी केंद्र सरकारने देऊ केली आहे. मात्र व्यावसायिक उत्पन्न असलेले वेतनधारक किंवा व्यावसायिक यांना एकदा एक पर्याय निवडल्यास तोच पर्याय कायम ठेवावा लागणार आहे. व्यावसायिक उत्पन्न असलेल्यांनाही पर्याय निवड लवचिक ठेवावी, अशी मागणी होऊ लागली आहे. त्याचबरोबर प्राप्तिकर विभागाकडून करदात्यांना मिळणारा, त्यांच्या उगमकराची (टीडीएस) माहिती देणारा फॉर्म २६एएस इतिहासजमा होणार असून त्याजागी वार्षिक वित्तीय विवरण दिले जाणार आहे.