घडामोडी

सहा ऑगस्ट २०२०पर्यंत एक लाख रुपये मूल्याच्या सोन्यावर ७५ हजार रुपयांचे कर्ज मिळत होते. मात्र, रिझर्व्ह बँकेच्या निर्णयानंतर सात ऑगस्ट २०२०पासून संबंधिताला एक लाख रुपयांच्या सोन्यावर ९० हजार रुपयांचे कर्ज मिळणार आहे. याचाच अर्थ आता एक लाख रुपयांच्या सोन्यावर १५ हजार रुपये अतिरिक्त कर्ज मिळणार आहे. रिझर्व्ह बँकेच्या या नियमामुळे सर्वसामान्यांना आता कमी सोने तारण ठेवून अधिक कर्ज मिळण्याचा मार्ग मोकळा झाला आहे. सध्या बँका आणि वित्त संस्थांचा 'गोल्ड लोन'चा व्याजदर बँक/ एनबीएफसी गोल्ड लोन कर्जदर प्रक्रिया शुल्क एसबीआय ७ ते ७.५० टक्के ०.५० टक्के कॅनरा बँक ७.६५ टक्के - बँक ऑफ महाराष्ट्र ८ टक्के नियमानुसार युको बँक ८.५० टक्के…

आज  ऑगस्ट व सप्टेंबरसाठीचे पतधोरण रिझर्व्ह बँके (Reserve Bank of India)कडून जाहीर करण्यात आले. या पतधोरणात रेपो दराबाबत रिझर्व्ह बँक काय निर्णय घेते याकडे अर्थजगताचे लक्ष लागले होते. RBIने व्याज दरात कोणताही बदल केला नाही. बँकेने रेपो रेट आहे तसाच म्हणजे ४ टक्के इतका ठेवला आहे. तर रिझर्व्ह रेपो रेट देखील आहे तितकाच ३.३ टक्के इतका ठेवला आहे. बँकेने व्याज दरात कोणताही बदल केला नसला तरी या वर्षात लॉकडाउनचा विचार करता दोन वेळा व्याज दरात १.१५ टक्के इतकी कपात केली होती.

करोना व्हायरस संकट काळात अनेकांना आर्थिक अडचणींना सामोरे जावे लागले. या काळात पैशांची गरज पूर्ण करण्यासाठी अनेकांचा मोठा आधार ठरले ते gold loan   होय. आता आरबीआयने सर्व सामान्य जनतेला मोठा दिलासा दिला आहे. गोल्ड लोन अर्थात सोन्यावरील कर्जाची व्हॅल्यू वाढवण्याचा निर्णय आरबीआयने घेतलाय. आता सोन्यावर ९० टक्क्यांपर्यंत कर्ज मिळणार आहे. आतापर्यंत सोन्याच्या एकूण मुल्यावर ७५ टक्केपर्यंत कर्ज मिळत होते.

क्रिसिल म्युच्युअल फंड पत क्रमवारीत समभाग गुंतवणूक करणाऱ्या फंड गटात अ‍ॅक्सिस आणि कॅनरा रोबेको फंड घराण्याने बाजी मारली आहे. तर रोखे गुंतवणूक करणाऱ्या फंडात एडलवाईस फंड घराणे अव्वल ठरले आहे. क्रिसिल प्रत्येक तिमाहीतील फंडांच्या त्या फंड गटातील तुलानात्मक कामगिरीनुसार फंडाची क्रमवारीत विभागणी करीत असते. एप्रिल-जून २०२० या कालावधीतील कामगिरीनुसार क्रिसिल क्रमवारी नुकतीच प्रसिद्ध झाली. ‘सीएमएफआर’ म्हणजेच क्रिसिल म्युच्युअल फंड रँकिंगमध्ये समावेशासाठी मूलभूत निकष निश्चित आहेत. किमान तीन वर्षेपूर्ण केलेल्या आणि गुंतवणुकीसाठी कायम खुल्या असलेल्या (ओपन एंडेड) फंडांचा या क्रमवारीसाठी विचार केला जातो. याव्यतिरिक्त किमान मालमत्ता हादेखील एक निकष आहे. समभाग गुंतवणूक करणाऱ्या फंडाची विभागणी १० फंड गटात, हायब्रीड फंडांची विभागणी…

मुंबईतील अनेक भागांत करोना नियंत्रणात येत असल्याने ५ ऑगस्टपासून सर्व दुकाने सातही दिवस खुली ठेवण्यास मुंबई पालिकेने परवानगी दिली. मद्य दुकानांनाही ग्राहकांना थेट विक्रीची मुभा देण्यात आली असून, मॉल आणि बाजार संकुलातील दुकाने सकाळी ९ ते सायंकाळी ७ या वेळेत खुली राहणार आहेत. त्यामुळे व्यवहारांना गती मिळणार असून, मुंबई हळूहळू पूर्वपदावर येण्याची चिन्हे दिसत आहेत. मुंबईत करोना रुग्णवाढीचे प्रमाण नियंत्रणात येताना दिसत आहे. अनेक भागांत रुग्ण दुपटीचा कालावधी १०० दिवसांच्या पुढे गेला आहे. करोनाबाधित रुग्ण बरे होण्याचे प्रमाणही वाढत आहे. ही बाब लक्षात घेऊन मुंबईतील सर्वच दुकाने ५ ऑगस्टपासून सकाळी ९ ते सायंकाळी ७ या वेळेत सुरू ठेवण्यास पालिका आयुक्त…

गोल्ड bond ची पाचवी सिरीज उद्या सोमवार दि ३.०८.२०२० पासून सुरु होत असून त्यासाठी सोन्याचा दर रु ५३३४ प्रती gram हा निश्चित झाला असून online खरेदीसाठी रु ५० चा discount मिळणार आहे !! सोन्याचे वाढत जाणारे दर पाहता यामधील गुंतवणूक भविष्यात फायदेशीर होईल हे निश्चित !! या सोने खरेदीवर दरवर्षी २.५% व्याजही निश्चित आहे !! पाच वर्षानंतर हे bond बाजार्दारानुसार विक्री करता येतील !!

महागाईच्या तुलनेत कमी परतावा मिळत असला तरी सध्याच्या अर्थसंकटात गुंतवणूकदारांचा कल बँकांमधील ठेवींकडेच अधिक राहिल्याचे स्पष्ट होत आहे. स्टेट बँकेच्या ताज्या अहवालातून गुंतवणूकविषयक कल अधोरेखित झाला आहे. भारत हा बचतकर्त्यांचा देश समजला जातो. बचतीचा मोठा हिस्सा निश्चित उत्पन्न देणाऱ्या आणि परताव्याची खात्री असलेल्या विमा संलग्न आणि बँकांच्या मुदत ठेवीत गुंतविण्यात येतो. घरगुती बचत खरेदी काही कालावधीसाठी लांबणीवर टाकू न उत्पन्नाचा काही हिस्सा ते बचत करीत असतात. खात्रीशीर परतावा देणाऱ्या योजना महागाईपेक्षा कमी परतावा देतात, असे प्रबोधन म्युच्युअल फंडांकडून होत असते. असे असले तरी बचतीसाठी आजही ठेवीदार हे बँक ठेवींचा वापर करीत असल्याचे दिसते

करोना संसर्गामुळे वस्त्रोद्योग संकटात सापडला असला तरी मुखपट्टय़ांच्या (फेसमास्क) रूपाने या उद्योगाला संजीवनी मिळाली आहे. व्हीआयपी क्लोदिंग लि., रेमंड ते जिओर्दानो आणि वाइल्डक्राप्ट या विदेशी कंपन्यांही आता मुखपट्टय़ांच्या उत्पादनात उतरल्या आहेत. भारतात मुखपट्टय़ांची बाजारपेठ १० ते १२ हजार कोटींची असल्याचा अंदाज व्हीआयपी क्लोदिंग लिमिटेडचे संचालक कपिल पाठारे यांनी व्यक्त केला. आंतर्वस्त्रांसाठी प्रसिद्ध या नाममुद्रेने ‘सेफ्टीवेअर’ विभागात प्रवेश करत मुखपट्टय़ांच्या निर्मितीस सुरुवात केली आहे.

गृहकर्जांच्या व्याजदरांवरून आता बँका आणि एनबीएफसींमध्ये मोठ्या प्रमाणावर स्पर्धा निर्माण होण्याची शक्यता आहे. सार्वजनिक क्षेत्रातील युनियन बँक ऑफ इंडियाने गृहकर्जावरील व्याजदर घटवून ६.८० टक्क्यांवर आणला आहे. या शिवाय बँकेने नोकरदार महिलांसाठी ६.७० टक्के व्याजदराने कर्ज उपलब्ध करून देण्याची घोषणा केली आहे. मात्र, हा व्याजदर एक्स्टर्नल बेंचमार्क लेंडिंग रेटवर (ईबीएलआर) अवलंबून असल्याने ज्या ग्राहकांचा सिबिल स्कोअर ७००च्या वर आहे, त्यांनाच लाभ घेता येणार आहे.

इनकम टॅक्स रिटर्न दाखल करण्याची अंतिम मुदत ३१ जुलै २०२० होती. जर या तारखेपर्यंत करदात्यांनी रिटर्न फाइल केले नाही तर त्याला पुन्हा संधी मिळणार नव्हती. आता ही मुदत ३१ जुलैवरून वाढवून ती ३० सप्टेंबर २०२० करण्यात आली आहे. सरकारने २०१८-१९ या आर्थिक वर्षासाठी रिटर्न दाखल करण्याची मुदत तिसऱ्यांदा वाढवली आहे.