संपादकीय

नव्याने गुंतवणूक करू लागलेल्या ज्येष्ठ नागरिक असलेल्या गुंतवणूकदारांना सध्याच्या युगातील डिजिटल खाते सुरक्षित नाही अशी भावना निर्माण होणे साहजिक आहे. आयुष्यभर कागदावरचे व्यवहार केल्याने कागदविरहित  व्यवहारांवर विसंबून राहणे थोडे कठीण होते हे मान्य करूनदेखील तुम्ही नवीन बदलांशी जुळवून घेणे तुमच्या हिताचे कसे ते पाहू. डिजिटल खाते हे  अहोरात्र पाहता येते. फिजिकल खाते असेल तर तुमच्या गुंतवणूक मूल्यांकनासाठी म्युच्युअल फंडांच्या कार्यालयीन वेळेत तेथील कर्मचाऱ्यावर विसंबून राहावे लागते. हा कर्मचारी तुम्हाला तुमचे ‘होल्डिंग स्टेटमेंट’ ई मेलने तुम्हाला पाठवतो म्हणजे हे स्टेटमेंट इलेक्ट्रोनिक फॉर्ममध्ये म्हणजेच डिजिटल पद्धतीने येते. डिजिटल पद्धतीत फक्त स्टेटमेंट म्हणजे गुंतवणुकीचे मूल्यांकन आणि परताव्याचा दर समजतो. फिजिकल खात्यात स्टेटमेंट मिळत…

उद्दिष्टे निश्चित करा आर्थिक नियोजनाचा विचार करताना अल्पकालीन असो वा दीर्घकालीन असो सर्वप्रथम उद्दिष्टांची निश्चिती आवश्यक आहे. बऱ्याचदा क्षुल्लक गोष्टींसाठी आर्थिक तजवीज करण्याचा घाट घातला जातो. ती गोष्ट प्राप्त झाली की, नियोजनाचा बोजवारा उडतो. म्हणूनच आर्थिक नियोजन ही खूप विचाराअंती आणि दीर्घ काळासाठी करण्याची गरज आहे. सद्य परिस्थितीचा विचार करता निवृत्तिनंतरची तरतूद म्हणून दोन कोटी रुपयांचा निधी जास्त वाटतो. परंतु, वीस वर्षांनंतर येणाऱ्या परिस्थितीचा विचार करता ही रक्कम खूपच अपुरी पडत असल्याचे लक्षात येईल. आर्थिक नियोजन ही सहज सुचली म्हणून आणि अंदाजांवर आधारित करण्याची गोष्ट नाही. आर्थिक गणितांचा हिशेब मांडून आणि उद्दिष्टांची दिशा निश्चित करूनच आर्थिक नियोजन करण्याचा विचार करावा.…

गुंतवणूक म्हटल्यावर एकतर बँकांमधील मुदतबंद ठेव किंवा थेट शेअर बाजारातील गंतवणूक असे दोन टोकाचे विचार पाहायला मिळतात. मुदतबंद ठेवी सुरक्षित समजल्या जातात. तसेच त्यापासून ठराविक दराने व्याजही मिळते. म्हणजे मूळ गुंतवणूक तशीच राहते व परतावासुध्दा मिळतो. याउलट शेअर्समधील गुंतवणूक जर फारसा विचार न करता केली तर ती धोकदायक ठरू शकते. शेअर्समध्ये होणारे चढउतार इतके मोठे असतात की मूळ गुंतवणूकसुध्दा काही वेळेला परत मिळत नाही तर काहीवेळा काही वर्षांतच दामदुप्पटसुध्दा होऊ शकते. या दोन्ही गुंतवणुकांमध्ये असलेले तोटे कमी करून दोन्हीचे फायदे थोड्याफार प्रमाणात एकत्र करण्यासाठी म्युच्युअल फंड हा एक गुंतवणुकीचा पर्याय म्हणून उपलब्ध आहे. बँकांमधील ठेवींवर मिळणारे मर्यादित व्याज, महागाई, शेअरबाजारातील…

म्युच्युअल फंडाकडून प्रत्येक योजनेची फॅक्टशीट दर महिन्याला प्रसिद्ध केली जाते. त्यावरून तुम्ही तुमच्या योजनेचा तपशील पाहू शकता. ही फॅक्टशीट म्युच्युअल फंडाच्या वेबसाइटवर सहजगत्या उपलब्ध असते. यामध्ये प्रत्येक योजनेचा तपशील, योजनेतील पैसा गुंतवला जात असलेला पोर्टफोलिओ, समभाग यांची माहिती दिलेली असते. यामुळे बेंचमार्कच्या तुलनेत या योजनेची वाटचाल कशी होते आहे, वार्षिक परतावा किती मिळतो आहे आणि स्टँडर्ड डिव्हिएशन, बिटा व शार्पी हे रेशो यांच्याही माहिती मिळते. कोणत्याही म्युच्युअल फंडाच्या योजनेची वाटचाल ही केवळ त्याच योजनेचा इतिहास पाहून ठरवता येत नाही. ही वाटचाल मोजताना तिची तुलना अन्य म्युच्युअल फंडांमध्ये असलेल्या तशाच प्रकारच्या अन्य योजनांबरोबर करणे गरजेचे आहे. प्रत्येक फंडाच्या फॅर्टशीटशिवाय म्युच्युअल फंडांची…

महिन्याच्या पहिल्या तारखेला १० हजार रुपयांची एसआयपी तुम्ही केली आहे. या तारखेला एसआयपी कापली जात असलेल्या तुमच्या बँक खात्यात पुरेसी रक्कम नसल्यास काय होईल? तुमच्या बँक खात्यात पुरेशी रक्कम नसेल तर एसआयपीसाठी बँकेला म्युच्युअल फंडाकडून करण्यात आलेली विनंती बँकेकडून नाकारली जाईल आणि त्या महिन्यातील तुमची एसआयपी पूर्ण होणार नाही. एसआयपी रद्द झाली किंवा पैसे भरले गेले नाहीत म्हणून संबंधित फंड हाउसकडून कोणताही दंड आकारला जात नाही. मात्र, तुमच्या बँकेकडून ईसीएस (इलेक्ट्रॉनिक क्लिअरिंग सिस्टिम) चुकल्याबद्दल तुम्हाला दंड आकारला जाईल. हा दंड प्रत्येक बँकेनुसार बदलता असतो. तुमची एसआयपी सुरूच राहील आणि पुढच्या महिन्यात पुन्हा एकदा बँकेकडे म्युच्युअल फंडाकडून विनंती केली जाईल. एकामागून…

  ग्रोथ फंड हे ग्रोथ स्टॉक्स खरेदी करतात. या फंडाच्या पोर्टपोलिओमध्ये समाविष्ट कंपन्या शेअर बाजारातील अन्य कंपन्यांच्या तुलनेत वेगाने वृद्धी दाखवतात. अर्थव्यवस्था तिच्या बिझनेस सायकलच्या मध्यात किंवा अंतिम टप्प्यात असते तेव्हा हे स्टॉक्स चांगली कामगिरी करतात. ग्रोथ स्टॉक्स सामान्यतः कमी लाभांश देतात, तसेच प्राइस-टू-अर्निंग्ज, मार्केट कॅपिटलायझेशन-टू-सेल्स व प्राइस-टूबुक व्हॅल्यू या गुणोत्तरांपेक्षा या स्टॉक्सचे मूल्य अधिक असते. ग्रोथ फंड लार्ज कॅप व मिड कॅप स्टॉक्स खरेदी करू शकतात.   ज्या कंपन्यांच्या समभागांची किंमत कमी ठरवलेली असते, परंतु त्या कंपन्यांना चांगले भवितव्य असते, अशा कंपन्यांमध्ये व्हॅल्यू फंड गुंतवणूक करतात. या कंपन्यांच्या समभागांची किंमत सतत कमी राहणार नसते. त्यामुळे या समभागांची किंमत वधारण्यापूर्वी…

ईएलएसएसमधील गुंतवणूक काढू का? दीर्घकालीन भांडवली लाभावर (एलटीसीजी) कर आकारण्यात येणार असल्यामुळे सार्वजनिक भविष्यनिर्वाह निधी (पीपीएफ) व युलिप हे करबचत करणारे पर्याय आता ईएलएसएसच्या तुलनेत अधिक कर वाचवणारे (करानुकूल) ठरणार आहेत. ईएलएसएस फंडांतील गुंतवणुकीवर १० टक्के कर लागणार आहे. परंतु त्यामुळे ईएलएसएसमधून लांब पळणे श्रेयस्कर नसल्याचे तज्ज्ञांचे म्हणणे आहे. गुंतवणूकदाराच्या पोर्टफोलिओमध्ये प्रत्येक योजनेतील गुंतवणुकीला वेगवेगळे स्थान आहे. इक्विटी आधारित असल्यामुळे ईएलएसएसमध्ये गुंतवणूकदाराला अधिक प्रमाणात उत्पन्न देण्याची क्षमता आहे. त्यामुळे या प्रकारच्या फंडातील गुंतवणूक ही दीर्घकालीन गुंतवणुकीसाठी आदर्श मानली जाते. बिनधास्त दीर्घकालीन गुंतवणूक करणाऱ्यांना ईएलएसएसचे अजूनही आकर्षण असते. याचे कारण एलटीसीजीनंतरही पीपीएफ व महागड्या युलिपपेक्षा ईएलएसएसमधून अधिक उत्पन्न मिळते. विमा कंपन्यांकडून…

रोबो अ‍ॅडव्हायझर म्हणजे काय ? तर वित्तीय सल्ला देणारे माणसानेच बनविलेले एक मशीन. कमीत कमी मनुष्य हस्तक्षेपाशिवाय ते ऑनलाइन व्यासपीठावर सेवा पुरवतात. गुंतवणूक सल्लागाराचे काम हे आपल्या गुंतवणूकदाराची खरी गरज ओळखून निष्पक्ष सल्ला देणे हे आहे. रोबो अ‍ॅडव्हायझरीमध्ये कुठल्याही सल्लागाराचा थेट सहभाग नसल्यामुळे गुंतवणूकदाराला काहीशा कमी खर्चात म्युच्युअल फंडात गुंतवणूक करता येते. त्यामुळे वरकरणी हे बरोबर आहे की गुंतवणूकदाराला यामुळे थेट गुंतवणुकीचा फायदा मिळतो. पण खोलात जाऊन याचे विश्लेषण केल्यास याबाबत अधिक माहिती मिळू शकेल. आपण आधी रोबो अ‍ॅडव्हायझर आणि गुंतवणूक सल्लागार यामध्ये फरक करणारी वैशिष्टय़े बघूया. रोबो अ‍ॅडव्हायझर हे आधुनिक आणि ज्याप्रमाणे त्यांना माहिती पुरविली जाते त्याप्रमाणेच प्रमाणित सल्ला…

शेअर बाजारात गेल्या काही दिवसांत झालेल्या तुफानामुळे गुंतवणूकदारांनी धसका घेतला असला तरी तज्ज्ञांच्यामते शेअर खरेदीसाठी ही चांगली वेळ आहे. अनेक चांगले चांगले शेअर  स्वस्तात उपलब्ध आहेत आणि आत्ताच खरेदी केले तर काही शेअर तर 62 टक्क्यांपर्यंत फायदा देऊ शकतात. विशेष म्हणजे असे काही शेअर्स आहेत ज्यांची किंमत सर्वसामान्यांना परवडणारी म्हणजे 200 रुपयांपेक्षा कमी आहे. जवळपास 13 महिने तेजीत असलेल्या शेअर बाजाराला लागलेला लगाम स्मार्ट गुंतवणूकदारांसाठी पथ्यावर पडणारी गोष्ट असल्याचं काही तज्ज्ञांचं मत आहे. फायनान्शियल एक्सप्रेसने गुंतवणूक तज्ज्ञांच्या दाखल्याने असे काही स्टॉक्स सुचवले आहेत जे 200 रुपयांपेक्षा कमी किमतीला उपलब्ध आहेत आणि तुम्हाला कमी कालावधीत देऊ शकतात भरपूर परतावा… जैन इरिगेशन…

आजच्या युगात जॉब सिक्युरिटीची गॅरंटी कोणीच घेऊ शकत नाही. अलिकडेच चेन्नई येथील नोकिया कंपनीने आपले युनिट बंद केल्याने शेकडो जण बेरोजगार झालेत. त्यामुळे अशी स्थिती उद‍्भवल्यास सर्वांत मोठा फटका हा आर्थिक आघाडीवरच बसतो. त्यामुळे व्यक्ती कितीही कुशल असली तरी तिला नवी नोकरी मिळविण्यासाठी काही वेळ जाऊ द्यावा लागू शकतो. या काळासाठी आपल्या आर्थिक गणिताची जुळवणी करणे फारच आवश्यक असते. याबाबत आपल्या कुटुंबीयांनाही विश्वासात घेऊन काही पावले उचलणे सहज शक्य आहे, त्याबाबत... इमर्जन्सी फंड 'तहान लागल्यावर विहीर खोदण्यात' काहीच अर्थ नसतो. त्यामुळे अचानक जॉब गेल्याची परिस्थिती उद्‍भवण्याची शक्यता असो वा नसो आपला व कुटुंबाचा सहा महिन्यांचा खर्च भागेल एवढा इमर्जन्सी फंड…