बजेटआधी खरेदी करावे असे स्टॉक्स
तुम्हालाही स्टॉक मार्केटमध्ये गुंतवणूक करून वर्षभरात भरघोस परतावा मिळवायचा असेल, तर आज आम्ही तुम्हाला अशा पाच शेअर्सबद्दल सांगत आहोत. ज्यामध्ये बजेटच्या आधी गुंतवणूक करून येत्या एका वर्षात जवळपास २९% परतावा मिळवू शकता.
मिश्रा धातू निगम लिमिटेडच्या स्टॉकमध्ये तज्ज्ञांनी तेजीचा अंदाज वर्तवता आहे. सरकारी मालकीची कंपनी सुपरॲलॉय, टायटॅनियम, विशेष-उद्देशीय स्टील यासारख्या धातूंचे उत्पादन करते आणि भारतातील टायटॅनियम मिश्र धातुची एकमेव उत्पादक आहे. सरकारने संरक्षणासाठी प्रचंड अर्थसंकल्पाची तरतूद केल्यास कंपनीला फायदा होईल आणि शेअरची किंमत ५२५-५०० रुपयांपर्यंत वाढू शकते.
तसेच आयसीआयसीआय लोम्बार्ड जनरल इन्श्युरन्स कंपनी लिमिटेडच्या शेअरची किंमतही १,६५० ते १,७०० रुपयांवर उसळी घेण्याची शक्यता आहे. अर्थसंकल्पात विमा क्षेत्राला काहीसा दिलासा अपेक्षित असून आयसीआयसीआय लोम्बार्ड, या विमा क्षेत्रातील आघाडीच्या कंपनीला फायदा होऊ शकतो.
अंतरिम अर्थसंकल्पात ऑटोमोबाईल घटक उत्पादकांना २ टक्के सबसिडी देण्याचा सरकार विचार करत असून याचा स्टील स्ट्रिप्स व्हील्स लिमिटेड (SSWL) कंपनीला फायदा होऊ शकतो. कंपनी ऑटोमोबाईल व्हील रिम्स तयार करण्यात आघाडीवर असून गेल्या पाच वर्षात २१.१% च्या CAGR ने नफा वाढला कंपनीचा नफा वाढला असून स्टॉकची किंमत ३१५-३०० रुपयांपर्यंत पोहोचण्याचा अंदाज आहे.
याशिवाय कागद उद्योगालाही अर्थसंकल्पात काहीसा दिलासा अपेक्षित असताना जेके पेपरला फायदा होण्याची शक्य आहे. जेके पेपरचा ब्रँडेड कॉपी पेपर सेगमेंटमध्ये ३०% मार्केट शेअर असून गेल्या पाच वर्षात कंपनीचा महसूल ३६.४ टक्क्यांच्या CAGR ने वाढला आणि कंपनी चांगला लाभांशही देते. अशा स्थितीत अर्थसंकल्पात कागद उद्योगासाठी भरीव तरतूद केल्यास कंपनीच्या शेअरची किंमत ५००-५२० रुपयांपर्यंत पोहोचू शकते.