सार्वभौम गोल्ड बाँड योजना गुंतवणूकदारांसाठी सुरक्षित गुंतवणूक असल्याचे ठरली असून अनेक पारंपारिक साधनांपेक्षा ही सरकारी योजनेपेक्षा चांगले परतावा देत आहे. सार्वभौम गोल्ड बाँडचा पहिला हप्ता अवघ्या काही दिवसांत मॅच्युअर होणार असून पहिल्या हप्त्याच्या गुंतवणुकदारांना मिळालेल्या उत्कृष्ट कमाईने सार्वभौम गोल्ड बाँडला गुंतवणुकीचा एक चांगला पर्याय म्हणून स्थापित केले आहे.
गोल्ड बाँडचे गुंतवणूकदार झाले श्रीमंत
सार्वभौम गोल्ड बाँडची पहिली मालिका ३० नोव्हेंबर २०२३ रोजी मॅच्युअर होत असून २६ नोव्हेंबर २०१५ रोजी रोख्यांची पहिली मालिका २,६८४ रुपये प्रति ग्रॅमच्या दराने जारी करण्यात आली होती. तर सध्या सोन्याचा भाव ६,१०० रुपये प्रति ग्रॅम आहे. अशा परिस्थितीत ज्या गुंतवणूकदारांनी सार्वभौम गोल्ड बाँडच्या पहिल्या मालिकेत एक लाख रुपये गुंतवले होते, त्यांचे एक लाख रुपये आता वाढून सुमारे २.३० लाख झाले असतील. तथापि, गोल्ड बाँडच्या पहिल्या हप्त्याची विमोचन किंमत अद्याप जाहीर केलेली नसून त्याची पूर्तता किंमत ibja ने जारी केलेल्या महिन्याच्या शेवटच्या तीन दिवसांच्या सरासरी सोन्याच्या दरानुसार ठरवली जाईल.