प्लाझा वायर्सच्या शेअर्सची आज देशांतर्गत बाजारात शानदार एंट्री

शेअर बाजारात आज आणखी एक कंपनी लिस्ट झाली आणि पहिल्याच दिवशी गुंतवणूकदारांना जोरदार परतावा दिला. वायर उत्पादक कंपनी प्लाझा वायर्सच्या शेअर्सची आज देशांतर्गत बाजारात शानदार एंट्री झाली. या आयपीओला गुंतवणूकदारांचा उत्तम प्रतिसाद मिळाला आणि तो पहिल्याच दिवशी पूर्णपणे भरला होता. एकूण चार दिवसांत तो १६० पेक्षा जास्त पट सबस्क्राइब झाला. आयपीओ अंतर्गत ५४ रुपये किमतीने शेअर्स जारी करण्यात आले होते तर, आज शेअर्सचा ८४ रुपयांच्या किमतीवर व्यवहार सुरू झाला आहे. याचा अर्थ आयपीओ गुंतवणूकदारांना ५५.५६ टक्केचा लिस्टिंग फायदा झाला.