Uncategorized – धनलाभ

S.B.I. जनरल इन्शुरन्स या आरोग्यविमा कवच देणा-या देशातील सर्वात मोठ्या कंपनीने एक “ टॉप अप ” प्लॉन

Pradeep Joshi — Sun, 08 Nov 2020 04:19:34 +0000

सध्या कोरोनामुळे आरोग्य विम्याचे महत्व आपण सर्वजण जाणताच. आणि बहुतेक सर्वांचे वेगवेगळ्या कंपन्यांचे आरोग्य विमा संरक्षण असतेच.पण एकंदर आजारपण आल्यावर आपण डॉक्टर किंवा हॉस्पिटलमधील संबधित यंत्रणेला “ कितीही खर्च झाला तरी चालेल पण पेशंट बरा होऊदे ” * अशी कळकळीची विनंती करतोच. *“ कितीही खर्च होऊदे ” ह्या म्हणण्याला आर्थिक स्थैर्य असणे अत्यावश्यक असते.
बहुतेक सर्वाचे आरोग्य विम्याचे कवच हे रु ३.० लक्ष ते रु ५.० लक्ष या रकमेपर्यंतचे असते. आणि हाच मुद्दा लक्षात घेऊन *S.B.I. जनरल इन्शुरन्स * या आरोग्यविमा कवच देणा-या देशातील सर्वात मोठ्या कंपनीने एक *“ टॉप अप ” * प्लॉन आणला आहे. मुळ आरोग्यकवच कोणत्याही कंपनीचे असले तरी त्या सर्वाना या “ टॉप अप ” चा फायदा घेणे शक्य आहे. आणि तेही अत्यंत कमी प्रिमियम मध्ये.
या टॉप अप प्लॉनचा स्वीकार केल्यावर मुळ आरोग्यविमा कवचपेक्षा हॉस्पिटलायझेशनसाठी येणारा जास्तीचा खर्च पूर्णतः * मिळणार असून आपल्या पेशंटला *आर्थिक बाजू पडतीची आहे म्हणून आरोग्य सुविधा देऊ शकत नाही अशी हुरहूर कोणालाही वाटणार नाही.
यासंबधी अधिक माहितीसाठी आपण आमच्या कार्यालयाशी संपर्क करा, अगर What up करा.
प्रदीप जोशी – 9422429103

गुंतवणुकीतील विविधिकारण ( Diversification )

Pradeep Joshi — Thu, 15 Oct 2020 11:58:47 +0000

डायव्हर्सिफिकेशन ( विवीधीकरण)
कोणतीही गुंतवणूक करताना आपण चार पैलू तपासतो.
१.सुरक्षितता २. रोकड सुलभता ३.जोखीम (Risk) आणि कर कार्यक्षमता.
आज आपण डायव्हर्सिफिकेशन पाहणार आहोत.यापूर्वी आपण या सदरातून अनेक वेगवेगळे फंड व त्याचा परतावा पाहत होतो.पण त्या फंडातील गुंतवणूक ही भारतीय कंपन्यामधील समभागात होत होती.पण आज मी आपल्याला ४ नवीन फंड खरेदीसाठी सुचवित आहे. की ज्यामधील गुंतवणूक ही
अमेरिकन किंवा परदेशातील मोठ्या कंपन्यांच्या समभागात केली जाते.व त्याचा परतावा हा जास्त चांगला मिळालेला दिसतो.
१. फ्रँकलिन इंडिया फीडर -म्हणजेच युएस ऑपरच्युनिटी फंड- परतावा १८% पेक्षा जास्त.
२. आय्.सी.आय्.सी.आय्.प्रू.युएस ब्लुचीप फंड -परतावा १५% पेक्षा जास्त
३. डी.एस्.पी.वर्ल्ड गोल्ड फंड- परतावा १८% पेक्षा जास्त
४ .मोतीलाल ओसवाल नॅसडॉक १०० इटीएफ -परतावा २४ % पेक्षा जास्त
या फंडामध्ये आपण जरी गुंतवणूक भारतीय रुपयामधून करीत असलो तरी याचा परतावा वाढीव असण्याचे मुख्य कारण म्हणजे रुपया व डॉलर यातील विनिमय दरात होत असणारे बदल हेही असते.तसेच अॅमेझान,अॅपल, किंवा तत्सम मोठ्या कंपन्यामधून गुंतवणूक फार चांगला परतावा देत असते.त्यामुळे आपले उत्पन ब-यापैकी वाढू शकते.
मात्र अशा फंडामध्ये गुंतवणूक करताना त्या देशाची अर्थव्यवस्था, तेथील धोरणे आणि राजकीय स्थैर्य यावर सुध्दा परतावा अवलंबून राहात असल्याने आपण आपली सर्व पुंजी अशा फंडात एकाच वेळी न गुंतविता STP चा अवलंब करून तज्ञ सल्लागाराचा सल्ला घेऊनच करणे हितावह राहील.
मात्र जास्त परतावा घेण्यासाठी आपल्याला आता अशा प्रकारचे फंड निवड करण्याची वेळ आली आहे हे निश्चित.

आणि यालाच मी फंड निवडीचे विवीधीकरण (Diversification) असे वेगळ्या अर्थाने म्हणत आहे.

निप्पॉन इंडिया ग्रोथ फंड

Pradeep Joshi — Mon, 02 Dec 2019 11:37:15 +0000

मागील दीड वर्ष मिडकॅप गुंतवणूकदारांसाठी वावटळीचे वर्ष ठरले.

५ जानेवारी २०१८ रोजी गाठलेल्या शिखरानंतर मिडकॅप निर्देशांकाचा माघारी प्रवास सुरू झाला. सेन्सेक्स आणि निफ्टी हे लार्जकॅप निर्देशांक नवीन शिखरे पादाक्रांत करीत असताना एस अँड पी बीएसई मिडकॅप निर्देशांकांचा मागील २३ महिन्यांतील प्रवास नकारात्मक राहिल्याने गुंतवणूकदारांची मिडकॅपकडे पाहण्याच्या दृष्टिकोनात अजून सकारात्मकतेचा अभाव दिसून येत आहे. मिडकॅप समभागांच्या सध्याच्या किमतीचा विचार केला तर पाच पैकी तीन समभागांच्या किमती त्यांच्या ऐतिहासिक शिखरापासून अजून किमान १७ ते २० टक्के खाली आहेत. जोखीम घेण्याची मानसिकता आणि नकारात्मक परतावा दिसला तरी किमान पाच वर्षे गुंतवणुकीशी वचनबद्धता राखल्यास ही घसरण संपत्ती निर्मितीची एक संधी आहे. मिडकॅप समभागातील अस्थिरतेवर मात करण्यासाठी मिडकॅप फंडांत पद्धतशीर गुंतवणुकीद्वारे (एसआयपी) गुंतवणूकदारांना संपत्ती निर्मितीच्या ज्या चांगल्या संधी उपलब्ध आहेत, त्या संधींचे सोने करण्याची क्षमता असलेला निप्पॉन इंडिया ग्रोथ फंड हा एक फंड आहे.

मागील ऑक्टोबर महिन्यात निप्पॉन इंडिया ग्रोथ फंडाने २५व्या वर्षांत पदार्पण केले असून २२व्या वर्षांत या फंडाच्या ‘ग्रोथ’ पर्यायाच्या ‘एनएव्ही’ने चार आकडी संख्या गाठली आहे. भारतीय म्युच्युअल फंडांच्या इतिहासात चार आकडी एनएव्ही गाठणारा हा एकमेव फंड आहे. फंडाच्या पहिल्या एनएव्हीप्रमाणे ८ ऑक्टोबर १९९५ रोजी गुंतविलेल्या एक लाखाचे शुक्रवार, २९ नोव्हेंबरच्या रेग्युलर ग्रोथ एनएव्हीनुसार १.१२ कोटी रुपये झाले असून वार्षिक परताव्याचा दर २१.६ टक्के आहे. मिडकॅप फंड प्रकारात निप्पॉन इंडिया ग्रोथ फंड दीर्घ मुदतीत चांगली कामगिरी करणारा फंड आहे.

संधी केव्हा घ्यावी ??

Pradeep Joshi — Sat, 24 Jun 2017 09:39:14 +0000

शेअर बाजारात या आठवड्यात थोडेफार चढ-उतार झाले असले तरी हा बाजार सध्या उच्चांकी पातळीवर आहे. अशी उच्चांकी पातळी गाठली गेली की सर्वसामान्यांमध्ये या बाजाराविषयी आकर्षण वाढू लागते. अशावेळी या बाजारात अनेक गुंतवणूकदार हे नवीन गुंतवणूक करावी की नाही या विवंचनेत दिसतात. परंतु, बाजाराची वाटचाल ही कायम अनिश्‍चित असते. बाजार खाली येण्याची वाट पाहू आणि मग गुंतवणूक करू, असे म्हणणारे बाजारात पैसे गुंतवू शकलेले नाहीत व दुसरीकडे बाजारानेही नवनवे उच्चांक प्रस्थापित करणे थांबविलेले नाही. त्यामुळे बाजाराचा अंदाज लावण्यात वेळ घालवू नये, हेच यानिमित्ताने सुचवावेसे वाटते.

आगामी काळात बाजारात ‘करेक्‍शन’ अथवा नफेखोरी नक्कीच होऊ शकते, परंतु अशावेळीसुद्धा अनेक कंपन्यांचे शेअर हे गुंतवणुकीची संधी देत असतात. गुंतवणूकदारांनी अशा शेअरवर लक्ष ठेवायला हवे. अशा बाजारात ट्रेडर्स मंडळींनी नक्कीच सावधगिरी बाळगायला हवी, कारण त्यांचा दृष्टिकोन हा अल्प कालावधीचा असतो. तसेच बाजारातील अनेक तथाकथित दिग्गज मंदीची वाट बघत आहेत. पण अशी वाट बघण्यात ही मंडळी “बाजारातील तेजी’ आधीच गमावून बसलेली आहेत, हेही लक्षात घेतले पाहिजे.

IPO

Pradeep Joshi — Wed, 21 Jun 2017 05:05:04 +0000

आज शेवटचा दिवस

‘हॅथवे केबल अँड डेटाकॉम‘ची उपकंपनी ‘जीटीपीएल हॅथवे’च्या प्राथमिक समभाग विक्रीला(इनिशिअल पब्लिक ऑफरिंग) 21 जून रोजी सुरुवात होत आहे. यापुढे 23 जूनपर्यंत चालणाऱ्या विक्रीसाठी कंपनीने प्रतिशेअर 167 ते 170 रुपयांचा किंमतपट्टा निश्चित केला आहे.

प्रस्तावित योजनेत, कंपनी 240 कोटी रुपयांच्या नव्या शेअर्सची विक्री करणार आहे. याशिवाय, ‘ऑफर फॉर सेल’द्वारे 1.44 कोटी शेअर्सची विक्री केली जाणार आहे. यापैकी जीटीपीएल हॅथवेची पालक कंपनी हॅथवे केबल अँड डेटाकॉम 72 लाख शेअर्सची विक्री करणार आहे. हॅथवेकडे कंपनीच्या 50 टक्के अर्थात 4.92 कोटी शेअर्सची मालकी आहे. आयपीओतून मिळालेल्या भांडवलाचा उपयोग प्रामुख्याने कर्जाच्या परतफेडीसाठी केला जाणार आहे.

याच्या खरेदीसाठी dmat account आवश्यक असून मागणीपत्र “शेअरखान “ पाटील towers सावंतवाडी येथे उपलब्ध आहेत !!

केंद्र सरकारकडून प्रसिद्ध

Pradeep Joshi — Tue, 20 Jun 2017 15:22:36 +0000

सध्या केंद्र सरकारद्वारे बऱ्याच वेगवेगळ्या वस्तूंवर उत्पादन शुल्क, अतिरिक्त उत्पादनशुल्क, अतिरिक्त सीमा शुल्क वगैरे नावांनी वेगवेगळे कर आकारले जात आहेत आणि सेवांवर सेवाकर आकारला जातो.आता फक्त एकच “जीएसटी’ प्रत्येक “वस्तू’ आणि “सेवे’वर आकारण्यात येणार आहे. केंद्र व राज्याद्वारे एकच कर आकारण्यात येणार असल्याने, एकीकृत राष्ट्रीय बाजारपेठेचा रस्ता मोकळा होईल. शिवाय वस्तूवरील करांचे प्रमाण कमी होणार असल्याने ग्राहकांना लाभ होईल. सध्या या करांचे प्रमाण 25 ते 30 टक्के आहे. “जीएसटी’ लागू झाल्यावर भारतीय उत्पादक देशांतर्गत आणि आंतरराष्ट्रीय बाजारपेठेत स्पर्धा करू शकतील. आर्थिक विकासावरही याचा सकारात्मक प्रभाव पडेल. राज्यघटनेत “जीएसटी’संबंधित सर्व महत्त्वपूर्ण मुद्यांवर (करांच्या दरांसहित) निर्णय घेण्याचे सर्वाधिकार “जीएसटी’ परिषदेला आहेत. परिषदेच्या निर्णयानुसार, सगळ्या वस्तूंवर 5,12,18 वा 28 टक्के या चार दरांपैकी कुठल्याही एका दराने कर आकरला जाईल. याव्यतिरिक्त काही वस्तू व सेवा अशा असतील, ज्यावर कुठलाही कर नसेल. म्हणजेच त्या वस्तू किंवा सेवा या सूट दिलेल्या यादीत असतील. सोने,चांदी;तसेच यापासून उत्पादित आभूषणांसाठी विशेष दर असेल. निर्यात होणाऱ्या मालावर जो काही देशांतर्गत कर भरला असेल, त्याचा पूर्ण परतावा मिळेल. आयात वस्तूंवर सीमाशुल्काव्यतिरिक्त तेवढ्याच प्रमाणात “जीएसटी’ आकारण्यात येईल, जेवढ्या प्रमाणात त्या वस्तूंवर देशांतर्गत “जीएसटी’ आकारण्यात येईल. “जीएसटी’ लागू झाल्यावर व्यापाऱ्यांना आणि उत्पादकांना आता एकाच कराची प्रक्रिया पार पाडावी लागेल. सगळ्यांत जास्त फायदा छोट्या व्यापाऱ्यांना देण्यात आला आहे. सध्या देशातील बहुंताश राज्यांत दहा लाखांवर उलाढाल असणाऱ्या व्यापाऱ्यांना मूल्यावर्धित कर भरावा लागतो. “जीएसटी’ अंतर्गत विशेष प्रवर्गातील पहाडी भागातील काही राज्ये वगळली, तर इतर सर्व राज्यांत ही मर्यादा 20 लाख रुपये करण्यात आली आहे. याचा अर्थ असा, की ज्या व्यापाऱ्याची वार्षिक उलाढाल 10 ते 20 लाख दरम्यान होती, त्यांना आता कुठलाही कर भरावा लागणार नाही. आतापर्यंत मूल्यावर्धित कर, सेवाकर आणि उत्पादन शुल्क यांची नोंदणी ज्यांच्याकडे आहे त्यांची “जीएसटी’ अंतर्गत नोंदणी प्रक्रिया पूर्ण झालेली आहे.

“जीएसटी’ अंतर्गत प्रत्येक व्यापाऱ्याला महिन्यातून एकदा मुख्य विवरणपत्र आणि कर भरावा लागेल. कुठल्याही वस्तू किंवा सेवावर जो कर भरायचा आहे, त्यावर त्या वस्तूची खरेदी अथवा सेवा देताना जो कर भरला आहे, त्याचे “इनपुट टॅक्‍स क्रेडिट’ आपोआप मिळेल. विवरणपत्र भरण्याची प्रक्रिया ऑनलाइन आहे. आपण आपला सर्व हिशेब “जीएसटी’ नेटवर्कद्वारा निर्मित एक्‍सेल शीटमध्ये ठेवला, तर महिन्याला ती सर्व माहिती ऑफलाइन टुलद्वारे आपल्या विवरणपत्रात परिवर्तित होईल.

एखादा व्यापारी आपले सगळे सामान एखाद्या छोट्या ग्राहकालाच विकणार असेल, तर त्याचे विवरणपत्र अगदी सरळ आणि सोपे राहणार आहे. ज्यात फक्त दरांप्रमाणेच उलाढाल दाखवावी लागेल. एखादा व्यापारी कम्पोझिशन योजनेचा लाभ घेणार असेल आणि ज्याची वार्षिक उलाढाल 75 लाख रुपयांपेक्षा कमी आहे, अशांना दर महिन्याऐवजी तीन महिन्यांनी एकदा विवरणपत्र भरावे लागेल, ज्यात त्याला आपली एकूण उलाढाल दाखवावी लागेल. जे व्यापारी दुसऱ्या व्यावसायिकाला माल विकतात, त्यांना विकलेल्या मालाच्या प्रत्येक बिलाचा तपशील विवरणपत्रात द्यावा लागेल. प्रत्येक व्यापारी दर महिन्याच्या दहा तारखेपर्यंत विक्रीचा सर्व तपशील “जीएसटी’च्या वेबसाइटवर विवरणाच्या फॉर्ममध्ये भरेल, तेव्हा त्याच्याद्वारे खरेदी केल्याचा सर्व तपशील आपोआप त्याच्या ग्राहकांच्या जीएसटीआर-2 (जीएसटी ऑनलाइन खाते) मध्ये दिसेल. त्याची सत्यता पडताळून त्यावर क्‍लिक केल्यानंतर व्यापाऱ्याच्या संगणकावर त्याचे संपूर्ण विवरण दिसेल. त्या व्यापाऱ्याने ते स्वीकृत करण्यासाठी क्‍लिक केल्यावर त्याला देय असलेला कर आणि उपलब्ध इनपुट क्रेडिट याविषयीची सर्व माहिती “जीएसटी’ प्रमाणाद्वारे देय असलेली एकूण थकबाकी दिसेल. एकूण देय थकबाकी व त्याला उपलब्ध असलेले “इनपुट टॅक्‍स क्रेडिट’ यामधील फरक व्यापाऱ्याला भरावा लागेल. हा कर ऑनलाइन अथवा बॅंकेमध्ये जमा करावा लागेल. त्यानंतर त्या व्यापाऱ्याला महिन्याच्या 20 तारखेपर्यंत संगणकाद्वारे तयार केलेले अंतिम विवरणपत्र “जीएसटीआर-3′ हे क्‍लिक करून जमा करावे लागेल.

व्यवसाय ते व्यवसाय व्यवहारांकरिता एक व्यवस्था केली आहे. ज्याला “इनपुट टॅक्‍स क्रेडिट रिव्हर्सल’ म्हणतात. ज्याद्वारे आपल्याला जे “इनपुट टॅक्‍स क्रेडिट’ मिळाले आहे ते परत करणे. याबद्दल बऱ्याच लोकांना काळजी वाटतेय. ही व्यवस्था नीट समजून घेतली तर चिंता राहणार नाही. आपण ज्या व्यक्तीकडून माल खरेदी केला, त्या व्यक्तीने महिन्याच्या दहा तारखेपर्यंत आपल्या विवरणपत्रात हा व्यवहार नोंदवला तर आपल्याला “इनपुट टॅक्‍स क्रेडिट’ उपलब्ध होईल. समजा त्याने या व्यवहाराचा तपशील आपल्या विवरणपत्रात नोंदवला नाही, तर आपल्याला “जीएसटीआर-2′ विवरणपत्रात महिन्याच्या 15 तारखेपर्यंत तो दाखविण्याची एक संधी मिळेल. त्यामुळे पूर्ण “इनपुट टॅक्‍स क्रेडिट’ मिळेल. त्यानंतर आपल्याला त्या व्यापाऱ्याशी संपर्क साधून त्याला समजावून सांगायचे आहे, की त्या व्यवहाराचा तपशील त्याच्या विवरणपत्रात त्याने दाखवायचा आहे. आपल्याला जे क्रेडिट मिळाले आहे त्याचे रिव्हर्सल पुढील महिन्यात करावे लागू नये, यासाठी हे महत्त्वाचे. याकरिता 30 दिवसांचा अवधी मिळेल. त्यानंतरही आपला पुरवठादार हा व्यवहार स्वीकारणार नसेल आणि आपल्या विवरणपत्रात दाखविणार नसेल, तर पुढील महिन्यात जे संबंधित क्रेडिट आपणास मिळाले असेल ते व्याजासहित रिव्हर्स करावे लागेल. प्रत्येक व्यापाऱ्याचे हे कर्तव्य आहे, की केवळ अशाच व्यापाऱ्यांसोबत व्यवहार करा, जे आपल्याकडून कर वसूल केल्यावर तो प्रामाणिकपणे सरकारजमा करतील. प्रत्येक व्यापाऱ्याला त्याच्या चुकांच्या आधारे अनुपालन मूल्यांकन दिले जाईल; जे सगळेच व्यापारी बघू शकतील.असे केल्याने वारंवार चुका करणारे जे व्यापारी आहेत त्यांच्याबाबत आपण सावध राहू शकाल.

-हसमुख अधिया
(केंद्रीय महसूल सचिव)

सेबीतर्फे मंजुरी — नवे IPO

Pradeep Joshi — Fri, 02 Jun 2017 02:34:02 +0000

भांडवली बाजार नियंत्रक ‘सेबी’ने एमएएस फायनान्शियल सर्व्हिसेस आणि भारत रोड नेटवर्क्सला प्राथमिक समभाग विक्रीसाठी(इनिशिअल पब्लिक ऑफरिंग-आयपीओ) मंजुरी दिली आहे. या दोन्ही कंपन्यांनी साधारणपणे फेब्रुवारी ते मार्चदरम्यान सेबीकडे अर्ज(डीआरएचपी) सादर केले होते.

बिगर बँकिंग वित्तीय कंपनी एमएएस फायनान्शियल सर्व्हिसेस प्रारंभिक विक्रीतून 550 कोटी रुपयांचे भांडवल उभारणार आहे. या योजनेअंतर्गत कंपनी 307.4 कोटी रुपयांच्या नव्या शेअर्सची विक्री करणार असून, विद्यमान भागधारकांच्या सुमारे 242.6 कोटी रुपयांच्या शेअर्सची ऑफर फॉर सेलद्वारे विक्री करणार आहे.

श्रेई इन्फ्रास्ट्रक्चर फायनान्सचा उपक्रम ‘भारत रोड नेटवर्क लि.,’ प्राथमिक समभाग विक्रीदरम्यान 29.30 लाख इक्विटी शेअर्सची विक्री करणार आहे. कंपनीच्या एका शेअरचे दर्शनी मूल्य दहा रुपये आहे. लवकरच आयपीओसाठी किंमतपट्टा निश्चित केला जाणार आहे.

नवीन येणारा IPO

Pradeep Joshi — Thu, 01 Jun 2017 07:46:45 +0000

CDSL चा IPO १९ जून २०१७ पासून खरेदीसाठी उपलब्ध होणार असून तो २१ जून २०१७ पर्यंत खरेदीसाठी खुला राहणार आहे.

या IPO च्या एका लॉट ची किंमत रु. ११३/- ते रु. ११५/- ठेवण्यात आली असून १३० शेअर्सची लॉट साईझ आहे.

*तारखेमध्ये बदल होऊ शकतो.

काय करू नये??

vinay samant — Sat, 18 Mar 2017 12:42:12 +0000

एक चांगला गुंतवणूकदार केवळ चांगली गुंतवणूकच करत नाही तर तो चूका टाळतो, गुंतवणूकीच्या नावाखाली चालणा-या ट्रॅपमधे फसत नाही, भुलथापांना बळी पडत नाही व अभ्यासपूर्ण निर्णय घेतो. पण केवळ इतकेच पुरेसे नाही. अनेकदा गुंतवणूकदार मानसीक चुका करतात ज्यामूळे नुकसान करून घेतात. ह्यासाठी काय करू नये ह्याची ही सूची :

नवीन गुंतवणूकदारासाठी IPO हाच उत्तम व कायमस्वरूपी पर्याय आहे

कंपन्यांना आपले शेअर्स किती मूल्याने विकायचे आहे याचा अधिकार असल्याने IPO तील खरेदीत आपल्या अपेक्षेएवढा फायदा होताच विक्री करणे उचित.

माझ्या ब्रोकरने टीप दिली आहे!

शेवटी ब्रोकर हा माणूस आहे, चूक होऊ शकते. टिप देताना ब्रोकरने कधी दिली व तुम्हाला ती कधी मिळाली, ती अत्ता इफेक्टिव्ह आहे का? ह्या सर्व बाबींचा विचार करा. केवळ टिप अवलंबून शेअर मार्केटमधे गुंतवणूक करू नका

मी नेहमी तांत्रिक विश्लेषणाच्या आधारे गुंतवणूक करतो...

तांत्रिक विश्लेषणासाठी Softwares उपलब्ध असतात. त्यांचे गणित किंवा तंत्र प्रत्यक्ष बाजारात नेहमीच तग धरू शकत नाही. तेव्हा केवळ तंत्र वापरून चालत नाही. त्याला सद्य परिस्थिती व अनुभवाची जोड लागते..

कंपनीचा तीमाही नफा वाढलेला आहे, मग मला चांगला भाव मिळणारच..

तिमाही नफ़्यापेक्षा सातत्यपूर्ण कामगिरी महत्वाची. अनेकदा एका तिमाहीत केलेली कामगिरी नंतर घसरू शकते. शिवाय इतर गुंतवणूका, शासकीय व्यवहार ह्याचाही कंपनिच्या बॅलन्सशिटवर परिणाम होत असतो.

माझे भांडवल परत मिळेपर्यंत मी शेअर विकणार नाही

शेअर खरेदी केल्यावर सातत्याने खाली येऊ लागल्यास विक्री करणे उचित असते. कधी कधी आपला अंदाज चुकतो, अशा वेळी चूक मान्य करून आहे ती पोजिशन विकून नविन घेणे परडते.

आदर्श पोर्टफोलिओ

vinay samant — Sat, 18 Mar 2017 12:31:52 +0000

पोर्टफोलिओमधे खूप वैविध्य असेल तर फायदा होतोच असे नाही. योग्य सल्लागाराकडून पोर्टफोलिओ बनवून घेतल्यास चांगल्या प्रमाणात प्राप्ती होऊ शकते. खालील पोर्टफोलिओ पहा :

क्षेत्र	कंपनी	गुंतवणूक (%)
वाहन	Maruti Hero Moto	10% 4%
बँक व वित्त सेवा	Ujjivan HDFC or S.B.I or ICICI Bank L&T Fin Housing	12% 9% 10%
सिमेंट व बांधकाम	India Cement L&T	10% प्रत्येकी
तेल व वायू	Indian Oil GAIL	5% प्रत्येकी
धातू	Tata Steel Hindalco	5% प्रत्येकी
इंजिनिअरिंग	EIL	5%
आय टी व फार्मा	INFY Cadilac	5% प्रत्येकी

फ्युचर्स आणि ऑप्शन्स

या मार्केटचे वैशिष्टय म्हणजे कमी पैसे असताना १०% ते १५% मार्जिनवर आपण शेअर्सचे लॉट खरेदी करू शकतो व आपला फायदा द्विगुणीत होऊ शकतो. खरेदीच्या पवित्र्याला Long Position व विक्रीच्या पवित्र्याला Short Position म्हणतात. महिन्याच्या शेवटच्या गुरुवारी ह्या पोझिशन्स ऑटो स्क्वेअर ऑफ होऊ शकतात. ह्या व्यवहारामधे लागणारे कर बरेच कमी आहेत.